ਜਰਮਨੀ 19 ਜਨਵਰੀ (ਖਿੜਿਆ ਪੰਜਾਬ) ਪੰਜਾਬ ਦੀ ਧਰਤੀ ਤੋਂ ਦੂਰ ਜਰਮਨੀ ਦੇ ਸ਼ਹਿਰ ਹੈਡਲਬਰਗ ਵਸਨੀਕ ਜਸਵਿੰਦਰਪਾਲ ਸਿੰਘ ਰਾਠ ਦੇ ਹੋਣਹਾਰ ਸਪੁੱਤਰ ਕਾਕਾ ਕੰਵਰਸ਼ੇਰਪਾਲ ਸਿੰਘ ਰਾਠ (14 ਸਾਲ) ਜੋ ਪੰਜਾਬ ਵਿਚ ਜਿੱਲ੍ਹਾ ਹੁਸ਼ਿਆਰਪੁਰ ਦੇ ਪਿੰਡ ਘੋੜੇ ਚੱਕ (ਚੱਕ ਬਾਮੂ) ਦੇ ਕਪਤਾਨ ਮੋਹਿੰਦਰ ਸਿੰਘ ਦੇ ਪੋਤਰੇ ਹਨ ਨੇ ਜਰਮਨੀ ਵਿਚ ਰਾਜਨੀਤਿਕ ਦਲ ਐਸ ਪੀ ਡੀ ਵਿਚ ਸਾਰੇ ਜਰਮਨੀ ਵਿਚ ਸਬ ਤੋਂ ਘੱਟ ਉਮਰ ਦਾ ਮੈਂਬਰ ਬਣ ਕੇ ਪੰਜਾਬ ਤੇ ਪੰਜਾਬੀਅਤ ਦੇ ਨਾਮ ਨੂੰ ਚਾਰ ਚੰਨ ਲਾਏ ਨੇ. ਕਾਕਾ ਕੰਵਰ ਸ਼ੇਰ ਪਾਲ ਸਿੰਘ ਨਿੱਕੀ ਉਮਰ ਤੋਂ ਹੀ ਜਿਥੇ ਜਰਮਨੀ ਵਿਚ ਪਹਿਲੇ ਸਿੱਖੀ ਸਰੂਪ ਵਿਚ ਹਾਕੀ ਦੇ ਖੇਡ ਵਾਲਾ ਖਿਡਾਰੀ ਬਣਿਆ ਓਥੇ ਹੀ ਸਿੱਖੀ ਸਰੂਪ ਵਿਚ ਨਿੱਕੀ ਉਮਰ ਚ ਇਸ ਰਾਜਨੀਤਿਕ ਦਲ ਦਾ ਮੈਂਬਰ ਵੀ ਬਣਿਆ. ਕੰਵਰਸ਼ੇਰਪਾਲ ਜੀ ਦੇ ਪਿਤਾ ਜਸਵਿੰਦਰਪਾਲ ਸਿੰਘ ਰਾਠ ਵੀ ੨੨ ਸਾਲ ਤੋਂ ਰਾਜਨੀਤਿਕ ਦਲ ਵਿਚ ਵਿਚਰਦੇ ਹੋਏ ਇਕੱਲੇ ਸਮਾਜ ਸੇਵਾ ਹੀ ਨਹੀਂ ਰਾਜਨੀਤੀ ਪੱਧਰ ਤੇ ਸੇਵਾ ਕਰਦੇ ਭਈ ਸਟੇਟ ਦੇ ਵਾਈਸ ਪ੍ਰੈਜੀਡੈਂਟ ਅਤੇ ਕੌਂਸਲਰ ਵੀ ਹਨ ਅਤੇ ਪਿਛਲੇ ਦਿਨੀ ਉਹਨਾਂ ਨੂੰ ਐਸਪੀ ਡੀ ਵੱਲੋਂ ਸ਼ਹਿਰ ਦੇ ਪ੍ਰਧਾਨ ਵੀ ਚੁਣਿਆ ਗਿਆ ਹੈ, । ਜਿਥੇ ਕੈਨੇਡਾ , ਅਮਰੀਕਾ, ਇੰਗਲੈਂਡ ਵਿਚ ਪੰਜਾਬੀਆਂ ਦਾ ਰਾਜਨੀਤੀ ਵੱਲ ਆਉਣਾ ਆਮ ਗੱਲ ਹੈ , ਪਰ ਯੂਰੋਪ ਵਿਚ ਹੁਣ ਹੋਲੀ ਹੋਲੀ ਸ਼ੁਰੂ ਹੋ ਰਿਹਾ ਹੈ. ਆਉਣ ਵਾਲੇ ਵਕ਼ਤ ਵਿਚ ਇਹ ਆਸ ਕਿੱਤੀ ਜਾਂਦੀ ਹੈ ਕਿ ਇਸ ਬੱਚੇ ਵਲ ਵੇਖ ਕੇ ਹੋਰ ਵੀ ਸਿੱਖੀ ਸਰੂਪ ਵਿਚ ਸਾਡੇ ਲੋਗ ਅਗਾਂਹ ਆਉਣਗੇ ।
Author: khireyapunjab
ਸ੍ਰ. ਸੰਤੋਖ ਸਿੰਘ ਪ੍ਰੇਮੀ (ਐਡੀਟਰ ਖਿੜਿਆ ਪੰਜਾਬ) ਸਤਿਕਾਰਯੋਗ ਪਿਤਾ ਜੀ ਨੇ ਸਭ ਤੋਂ ਪਹਿਲਾ ਪੇਪਰ 1969 ਵਿੱਚ ਬਾਜ਼ਾਰ ਕਾਠੀਆਂ ਅੰਮ੍ਰਿਤਸਰ ਤੋਂ ਸ਼ੁਰੂ ਕੀਤਾ ਸੀ । ਉਸ ਤੋਂ ਬਾਅਦ ਕੁੱਝ ਸਮਾਂ ਖਿੜਿਆ ਪੰਜਾਬ ਹਫਤਾਵਾਰੀ ਖਾਲੜਾ ਮੰਡੀ ਤੋਂ ਵੀ ਪ੍ਰਕਾਸ਼ਿਤ ਕੀਤਾ ਜਾਂਦਾ ਰਿਹਾ । ਪਿਤਾ ਜੀ ਨੇ ਇਹ ਮਹੀਨਾਵਾਰੀ ਪੇਪਰ ਸ੍ਰ. ਲਛਮਣ ਸਿੰਘ ਗਿੱਲ (ਮਰਹੂਮ ਮੁੱਖ ਮੰਤਰੀ ਪੰਜਾਬ) ਦੀ ਯਾਦ ਵਿੱਚ ਸ਼ੁਰੂ ਕੀਤਾ ਸੀ ਕਿਉਂ ਕਿ ਉਹ ਗਿੱਲ ਜੀ ਨਾਲ ਪਰਸਨਲ ਪੀ. ਏ. ਦੇ ਤੌਰ ਤੇ ਵਿਚਰੇ ਸਨ । ਅਸੀ ਪਿਛਲੇ ਸਮੇਂ ਤੋਂ ਖਿੜਿਆ ਪੰਜਾਬ ਯੂ ਟਿਊਬ ਚੈਨਲ ਚਲਾ ਰਹੇ ਸੀ । ਹੁਣ ਪਿਤਾ ਜੀ ਵਲੋਂ ਸ਼ੁਰੂ ਕੀਤਾ ਨਿਊਜ਼ ਪੇਪਰ ਪੰਜਾਬੀ ਆਨਲਾਈਨ ਚਾਲੂ ਕੀਤਾ ਗਿਆ ਹੈ । ਅਕਾਲ ਪੁਰਖ ਸਹਾਈ ਹੋਵੇ ਪੰਜਾਬ ਅਤੇ ਪੰਜਾਬੀਅਤ ਦੀ ਸੇਵਾ ਕਰਨ ਦਾ ਬੱਲ ਬਖਸ਼ੇ ।
