ਨਵੀਂ ਦਿੱਲੀ 1 ਅਗਸਤ (ਮਨਪ੍ਰੀਤ ਸਿੰਘ ਖਾਲਸਾ):-ਦਿੱਲੀ ਕਮੇਟੀ ਵਲੋਂ ਉਨ੍ਹਾਂ ਦੇ ਮੈਂਬਰਾਂ ਨੂੰ ਕਮੇਟੀ ਵਲੋਂ ਦਿਤੀਆਂ ਗਈਆਂ ਗੱਡੀਆਂ ਨੂੰ ਨਿੱਜੀ ਰੂਪ ਵਿਚ ਵਰਤੇ ਜਾਣ ਦਾ ਪਤਾ ਲਗਿਆ ਹੈ । ਸਰਦਾਰ ਜਸਮੀਤ ਸਿੰਘ ਪੀਤਮਪੁਰਾ ਸਕੱਤਰ ਜਨਰਲ ਯੂਥ ਅਕਾਲੀ ਦਲ ਦਿੱਲੀ ਇਕਾਈ ਨੇ ਮੀਡੀਆ ਨੂੰ ਜਾਰੀ ਇਕ ਪ੍ਰੈਸ ਨੋਟ ਰਾਹੀਂ ਕਿਹਾ ਕਿ ਸਾਡੀ ਜਾਣਕਾਰੀ ਵਿਚ ਲਿਆਈ ਗਈ ਇਕ ਵੀਡੀਓ ਵਿਚ ਇਕ ਗੱਡੀ ਦੀ ਵਰਤੋਂ ਬੱਚਿਆਂ ਨੂੰ ਸਕੂਲ ਕਾਲਜ ਛੱਡਣ ਲਿਆਣ ਵਿਚ ਵਰਤੋਂ ਕੀਤੀ ਜਾ ਰਹੀ ਹੈ । ਇਸ ਨਾਲ ਗੁਰੂ ਕੀ ਸੰਗਤ ਦਾ ਪੈਸਾ ਉਨ੍ਹਾਂ ਵਲੋਂ ਨਿੱਜੀ ਤੌਰ ਤੇ ਖਰਚ ਕਰਕੇ ਪੰਥ ਨਾਲ ਵੱਡਾ ਧ੍ਰੋਹ ਕਮਾਇਆ ਜਾ ਰਿਹਾ ਹੈ । ਨਾਲ ਹੀ ਕਮੇਟੀ ਵਲੋਂ ਦਿੱਤੀ ਜਾਂਦੀ ਤਨਖਾਹ ਉਪਰ ਕੰਮ ਕਰਦੇ ਗੁਰਸਿੱਖ ਨੌਜੁਆਨ ਜੋ ਉਨ੍ਹਾਂ ਗੱਡੀਆਂ ਦੀ ਡਰਾਈਵਰੀ ਕਰਦੇ ਹਨ ਓਹ ਬੱਚਿਆਂ ਦੀ ਵੀਂ ਚਾਕਰੀ ਕਰ ਰਹੇ ਹਨ । ਸੁਆਲ ਉੱਠਦਾ ਹੈ ਕਿ ਜਿਹੜੇ ਮੈਂਬਰ ਕਮੇਟੀ ਚੋਣ ਜਿੱਤਣ ਲਈ ਲੱਖਾਂ ਰੁਪਏ ਖਰਚ ਕਰ ਦੇਂਦੇ ਹਨ ਕਿ ਓਹ ਆਪਣੇ ਬੱਚਿਆਂ ਨੂੰ ਸਕੂਲ ਕਾਲਜ ਛੱਡਣ ਲਈ ਆਪਣੀ ਨਿੱਜੀ ਗੱਡੀਆਂ ਦੀ ਵਰਤੋਂ ਨਹੀਂ ਕਰ ਸਕਦੇ ਹਨ । ਕਮੇਟੀ ਪ੍ਰਧਾਨ ਅਤੇ ਸਕੱਤਰ ਸੰਗਤਾਂ ਨੂੰ ਦਸਣ ਕਿ ਜੋ ਗੱਡੀਆਂ ਕਮੇਟੀ ਦੇ ਕੰਮਕਾਰ ਲਈ ਮੈਂਬਰਾਂ ਨੂੰ ਆਪਣੇ ਨਾਲ ਜੋੜੀ ਰੱਖਣ ਲਈ ਦਿਤੀਆਂ ਹਨ ਉਨ੍ਹਾਂ ਉਪਰ ਆ ਰਹੇ ਖਰਚ ਬਾਰੇ ਖੁਲਾਸਾ ਕੀਤਾ ਜਾਏ ਕਿ ਇਕ ਇਕ ਮੈਂਬਰ ਉਪਰ ਹਰ ਮਹੀਨੇ ਸੰਗਤ ਦਾ ਕਿਤਨਾ ਪੈਸਾ ਉਡਾਇਆ ਜਾ ਰਿਹਾ ਹੈ । ਇਕ ਪਾਸੇ ਕਮੇਟੀ ਅਧੀਨ ਚਲਦੇ ਸਕੂਲ ਕਾਲਜ ਦਾ ਬਕਾਇਆ ਅਦਾਲਤ ਮੁਤਾਬਿਕ 400 ਕਰੋੜ ਤੋਂ ਵੱਧ ਕੇ 500 ਕਰੋੜ ਹੋ ਚੁਕਿਆ ਹੈ ਤੇ ਓਹ ਦੇਂਨਦਾਰੀ ਕਿਦਾਂ ਵਾਪਿਸ ਕੀਤੀ ਜਾਏਗੀ ਬਾਰੇ ਕੌਈ ਰੋਡ ਮੈਪ ਨਹੀਂ ਦਸਿਆ ਜਾ ਰਿਹਾ ਦੂਜੇ ਪਾਸੇ ਮੈਂਬਰਾਂ ਉਪਰ ਬੇਇੰਤੇਹਾ ਖਰਚਾ ਕੀਤਾ ਜਾ ਰਿਹਾ ਹੈ । ਇੰਨ੍ਹਾ ਹਾਲਾਤਾਂ ਵਿਚ ਸੰਗਤਾਂ ਦਾ ਫਰਜ਼ ਬਣਦਾ ਹੈ ਕਿ ਓਹ ਅੱਗੇ ਆਏ ਤੇ ਪ੍ਰਬੰਧਕਾਂ ਕੋਲੋਂ ਪੁਛੇ, ਹਿਸਾਬ ਮੰਗੇ ਕਿ ਸੰਗਤਾਂ ਦਾ ਪੈਸਾ ਕਿੱਥੇ ਵਰਤਿਆ ਜਾ ਰਿਹਾ ਹੈ ਸਾਡੇ ਸਕੂਲ ਕਿਉਂ ਬਰਬਾਦੀ ਦੇ ਕੰਡੇ ਪੁੱਜੇ ਹਨ । ਹਰਮੀਤ ਸਿੰਘ ਕਾਲਕਾ ਦਾ ਫਰਜ਼ ਬਣਦਾ ਹੈ ਕਿ ਓਹ ਕਮੇਟੀ ਮੈਂਬਰਾਂ ਕੋਲੋਂ ਕਮੇਟੀ ਵਲੋਂ ਦਿੱਤੀ ਗਈਆਂ ਗੱਡੀਆਂ ਵਾਪਿਸ ਲੈਣ ਤੇ ਉਨ੍ਹਾਂ ਵਲੋਂ ਵਰਤੇ ਗਏ ਪਟਰੋਲ, ਡੀਜਲ ਅਤੇ ਗੱਡੀ ਦੇ ਰੱਖਰਖਾਵ ਉਪਰ ਹੋਇਆ ਖਰਚਾ ਉਨ੍ਹਾਂ ਕੋਲੋਂ ਵਸੂਲ ਕਰਕੇ ਗੁਰੂ ਕੀ ਗੋਲਕ ਅੰਦਰ ਜਮਾ ਕਰਵਾਇਆ ਜਾਏ । ਨਾਲ ਹੀ ਕਮੇਟੀ ਪ੍ਰਬੰਧਕਾਂ ਨੂੰ ਸੰਗਤਾਂ ਅੱਗੇ ਉਨ੍ਹਾਂ ਦੇ ਮੈਂਬਰਾਂ ਦੇ ਕੰਮਕਾਰ ਬਾਰੇ ਵੀਂ ਦਸਣ ਦੀ ਸਖ਼ਤ ਲੋੜ ਹੈ ਕਿ ਉਨ੍ਹਾਂ ਦੇ ਮੈਂਬਰਾਂ ਵਲੋਂ ਆਪਣਾ ਜੀਵਨ ਬਸਰ ਕਰਣ ਲਈ ਕਮਾਈ ਦਾ ਸਾਧਨ ਕੀ ਹੈ ।
Author: khireyapunjab
ਸ੍ਰ. ਸੰਤੋਖ ਸਿੰਘ ਪ੍ਰੇਮੀ (ਐਡੀਟਰ ਖਿੜਿਆ ਪੰਜਾਬ) ਸਤਿਕਾਰਯੋਗ ਪਿਤਾ ਜੀ ਨੇ ਸਭ ਤੋਂ ਪਹਿਲਾ ਪੇਪਰ 1969 ਵਿੱਚ ਬਾਜ਼ਾਰ ਕਾਠੀਆਂ ਅੰਮ੍ਰਿਤਸਰ ਤੋਂ ਸ਼ੁਰੂ ਕੀਤਾ ਸੀ । ਉਸ ਤੋਂ ਬਾਅਦ ਕੁੱਝ ਸਮਾਂ ਖਿੜਿਆ ਪੰਜਾਬ ਹਫਤਾਵਾਰੀ ਖਾਲੜਾ ਮੰਡੀ ਤੋਂ ਵੀ ਪ੍ਰਕਾਸ਼ਿਤ ਕੀਤਾ ਜਾਂਦਾ ਰਿਹਾ । ਪਿਤਾ ਜੀ ਨੇ ਇਹ ਮਹੀਨਾਵਾਰੀ ਪੇਪਰ ਸ੍ਰ. ਲਛਮਣ ਸਿੰਘ ਗਿੱਲ (ਮਰਹੂਮ ਮੁੱਖ ਮੰਤਰੀ ਪੰਜਾਬ) ਦੀ ਯਾਦ ਵਿੱਚ ਸ਼ੁਰੂ ਕੀਤਾ ਸੀ ਕਿਉਂ ਕਿ ਉਹ ਗਿੱਲ ਜੀ ਨਾਲ ਪਰਸਨਲ ਪੀ. ਏ. ਦੇ ਤੌਰ ਤੇ ਵਿਚਰੇ ਸਨ । ਅਸੀ ਪਿਛਲੇ ਸਮੇਂ ਤੋਂ ਖਿੜਿਆ ਪੰਜਾਬ ਯੂ ਟਿਊਬ ਚੈਨਲ ਚਲਾ ਰਹੇ ਸੀ । ਹੁਣ ਪਿਤਾ ਜੀ ਵਲੋਂ ਸ਼ੁਰੂ ਕੀਤਾ ਨਿਊਜ਼ ਪੇਪਰ ਪੰਜਾਬੀ ਆਨਲਾਈਨ ਚਾਲੂ ਕੀਤਾ ਗਿਆ ਹੈ । ਅਕਾਲ ਪੁਰਖ ਸਹਾਈ ਹੋਵੇ ਪੰਜਾਬ ਅਤੇ ਪੰਜਾਬੀਅਤ ਦੀ ਸੇਵਾ ਕਰਨ ਦਾ ਬੱਲ ਬਖਸ਼ੇ ।
